雅虎香港電視

【Now財經台】中國重汽(03808)噚晚出咗一份幾差嘅全年業績，瑞信指，重汽去年下半年銷售支出大增，希望力谷卡車銷售，但最終下半年銷量仍比上半年少一大截，繼而拖累毛利率下跌，重汽業績咁差，係咪成本控制出咗問題？ 還是內地市場需求疲弱？重汽估值已經跌到得返3至4倍，但睇返公司嘅情況，股價短期係咪好難翻身？

紅蟻資本投資經理李澤銘估計，上述提及嘅問題仍會持續，但毛利率跌市場都預咗，因為原材料價格大幅上漲，又無辦法轉嫁成本，短期內都睇唔到有轉機。股價方面，佢就話，其實重汽PE未必係咁低，同埋仲有個PB頂住，加上市場都覺得呢啲周期性行業，依家行緊一個下行周期，遲啲就會行返一個上行周期，所以股價可能會提早見底，如果經營環境喺今年第3、第4季見底，股價有機會今季見底，跌到10元水平應該會有個技術性反彈，但如果做中長線部署，可能等到今季尾先入場。