雅虎香港電視

【Now財經台】永達汽車(03669)中午出咗業績，末期息多過對上一年一大截，但只係派一次息，唔似2020年有埋特別息，所以舊年全年股息其實係派少咗，係咪令永達又少咗去一個賣點？

耀才證券研究部經理譚智樂指，投資者要諗下，買永達係純粹收息，還是想財息兼收，佢又話，公司現金流一直唔太穩定，喺依家嘅市況，4S股比汽車生產商相關股有優勢，即使都要跌，但起碼跌得冇咁甘，如果純粹食息，估計股息未來有機會派到5厘以上。

不過，如果想財息兼收就唔同講法，過往4S股唔太受疫情影響，因為消費者都會照買車，不過，依家環球經濟開始有下行壓力，即使相對有錢嘅人都受影響，令市場擔心4S公司銷售、現金流減少，所以想博財息兼收似乎諗多咗。