雅虎香港電視

【Now財經台】聯儲局議息後，決定維持利率不變，並落實今個月縮減買債。主席鮑威爾喺記者會被問到，市場預期明年會加兩次息時，佢強調今次會議重點係「收水」，唔係研究幾時加息，加息要視乎經濟情況，但估計通脹會喺明年第2或第3季回落，咁加快「收水」及加息機會係咪唔大？

資深市場人士陸庭龍指，有關通脹嘅講法同之前差唔多，其實都只係靠估，但仲留有一個空間，就係去到明年6月，實際上係6月、9月，還是年底加息，要視乎當時嘅通脹係咪同聯儲局預期一樣，如果估錯，即通脹勢頭回落唔到，加息時間表就可能推前，但依家距離明年6月仲有大半年時間，資金唔可能即刻唔投資，收返晒啲錢，應該仲有時間、空間操作，所以睇返個美股嘅市底，應該仲可以炒多浸。