雅虎香港電視

【Now財經台】聯儲局噚晚公布上次議息會議紀錄，依家仲未達到縮減買債嘅門檻，美國10年期債息即跌穿1.3厘，係咪代表聯儲局有排都未「收水」？

東亞銀行財富管理部首席投資策略師李振豪指，其實委員對「收水」仲未有共識，反而將重點放喺失業率，如果要追返失業率，估計要用6至8個月時間，美國政府逐步開放返社區，有機會令經濟復甦步伐加快。

Frank又話，參考2013年，聯儲局宣布「收水」後3至4個月，就開始做嘢，今次會議未傾掂數，所以要留意餘下兩次嘅議息會議。佢估計，聯儲局好大機會明年1月開始「收水」，到時債息會急速反彈，買債嘅投資者要盡早部署。