雅虎香港電視

【Now財經台】今個星期全球市場焦點一定落喺聯儲局議息會議，除咗「收水」外，加息係另一個關注點，有聯儲局官員估計，美國最快明年有機會加息，主席鮑威爾會後會開記者會，到時可能會提供清晰嘅「收水」路線圖。市場早已預咗聯儲局會「收水」，如果鮑威爾今次真係正式話「收水」，市場係咪都唔會有太大震盪 ?

星展銀行香港及中國內地股票策略師林子津指，聯儲局嘅預期管理做得比較好，過去半年已經不斷放風話會「收水」，而呢幾個月嘅鋪排同市場預期差唔多，投資者及市場已做好心理準備。除非聯儲局講到通脹預期時，睇得冇咁短暫，字眼又同之前好大出入，否則，唔會對股市構成太大震盪。