雅虎香港電視

【Now財經台】港股罕有連續兩日爆股災，累跌逾2200點。大跌市下傳聞多多，噚日先傳出美國或限制基金投資中港市場，其後再傳出有基金爆倉。至於北水已連續7日走錢，但規模明顯細咗。值得留意係，噚日港股成交逾3600億元，破紀錄。

艾德證券期貨投資策略總監文錦輝指，睇情況似係中港兩邊一齊沽，呢兩日港股跌得太厲害，會開始令人擔心美國嘅「禁投令」係咪真。Felix又話，股市大冧有機會引發骨牌效應，會hit到一啲孖展CALL，就要焗斬倉，又或者有啲基金hit到佢哋嘅止蝕，持倉到某個level亦都要減倉，咁樣瀉落嚟係好難停，加上A股本身都跌，北水自然會沽港股，連續兩日跌市大成交，已經好耐冇見過，希望跌到呢啲水平會唞一唞，再睇下外圍、國家有咩政策可以扶持返股市。