雅虎香港電視

【Now財經台】雖然美國10年期債息升穿4厘，但由於非農就業人數遠超預期，美股3大指數上周五(2日)造好，其中，道指及標指再破頂。Facebook母公司Meta業績勝預期，更破天荒宣布派息兼加碼回購股份，Meta股價上周五收市飆逾20%，創新高，市值突破1.2萬億美元，擔唔擔心出現泡沬？

星展銀行(香港)豐盛私人客戶執行董事鄧威信指，Meta呢份業績中，廣告收入十分標青，其實市場之前擔心廣告收入會放緩。Meta亦指出，集團利用人工智能(AI)提升投放廣告嘅準確度，會有利增加收入。

鄧威信又話，Meta股價上周五大升明顯受業績刺激，除廣告收入令人眼前一亮，雲端收入增速加快係另一個功臣，至於會唔會出現泡沫，都見到資金係做緊Cherry picking，只要增長keep得到，業績做得好，錢自然流入科技股，由於蘋果公司(Apple)及Tesla都有各自嘅問題，亦都係資金追捧Meta另一個原因。