雅虎香港電視

【Now財經台】俄羅斯落實「不友好國家」買天然氣，如果唔用盧布找數，就會終止合同，市場憂慮一旦俄羅斯中斷供氣會令股市再度受壓，雖然美國總統拜登公布歷來最大規模嘅釋放戰略石油儲備計劃，油價回落超過5%，但係咪唔足以紓緩市場嘅憂慮？

華盛証券分析師聶振邦認爲，俄羅斯嘅措施唔會對供氣有太大影響，因爲俄羅斯呢個舉動，目的係向歐盟釋出一個訊號，就係一旦歐盟有進一步嘅制裁行動，俄羅斯都有方法應對，希望令歐盟唔好企喺美國嗰邊。