雅虎香港電視

【Now財經台】中國軟件國際(00354)全日維持約10%跌幅，今朝一度險守12元關口，主要受集團折讓配股消息拖累，而今次集資所得，有40%係投資鴻蒙，呢個策略係咪正確？

時富資產管理董事總經理姚浩然指，中軟主業係做軟件外包工作，一直同政府、金融機構合作，過去業務表現亦好穩定，集團想藉著同華為嘅友好合作關係，開拓鴻蒙系統，從而提升市佔率，因為只要有手機接入鴻蒙系統，中軟就有錢落袋。

不過，Patrick坦言，呢項投資存在不確定性，例如最終市佔率可以有幾多，系統受歡迎程度等，都係未知數。