雅虎香港電視

大家樂旗下、專門為學校提供午膳嘅「活力午餐」近日爆出食安風波，有屯門嘅學校早前連續有學生懷疑食物中毒，更有家長投訴食物質素一直好差。政府介入調查之後，活力午餐宣布暫停下星期一及二嘅午飯供應，又會深層清潔廠房。而食環署話，已經巡查涉事廠房，並檢取樣本，又會就元朗廠房維修唔妥善進行檢控。  

有受影響嘅小學校長就話，對於突然停止供應兩日覺得好突然，唯有安撫家長搵其他方法，例如陪同學生出外食飯或者帶飯番學校，又話唔少家長都有怨氣。靈愛小學校長孔偉成更加話，事件對飯商聲譽有影響，希望之後會有改善，校方亦會研究轉換飯商。