姜濤疑1800萬買樓做業主 經理人稱私人事不回應

現代電視
1 年前
人氣男子團體MIRROR嘅成員姜濤近日疑似以近1800萬，購入西環維壹一個兩房單位，喺新一年成為業主。 依個西環維壹嘅中層單位，實用面積662平方呎，呎價2.7萬，買家中英文名字與姜濤相同，相信佢要俾近800幾萬首期，並交67.5萬從價印花稅款，而原業主2019年以1700萬買入單位，帳面獲利近100萬。 傳媒向Mirror經理人「花姐」黃慧君查詢嗰陣，佢就話藝人嘅私人事情不作回應，亦變相「默認」事件。