雅虎香港電視

停牌超過一年嘅壹傳媒發出公告，話接獲上市委員會函件，決定根據上市規則，取消公司上市地位，除非公司提出申請覆核，唔係公司嘅股份會喺1月12號上午9點取消。 壹傳媒話，現時冇任何意向覆核決定，又話股份嘅股票仍屬有效，但唔會喺聯交所上市同買賣，公司亦唔再受上市規則規管。 壹傳媒喺2000年上市，自創辦人黎智英涉違反國安法被捕後開始停牌，高等法院亦喺上年12月頒令壹傳媒破產。