雅虎香港電視

We are what we eat！ 上集講到小朋友三餐營養夠嘅話，唔單止會身體好，仲可以改善埋佢地嘅行為問題同埋學業成績。咁如果食得唔健康，為小朋友帶黎嘅影響，又係咪只係蛀牙、偏肥呢啲小問題？ 高糖、高鹽、高脂肪嘅垃圾食物，唔洗講都知營養價值低，有時仲有大量人造色素、味精同添加劑，會增加患糖尿病同心血管病嘅機會。不過大家可能會覺得：「唓~ 小朋友得嗰幾歲人仔，又唔係肥，邊有咁易心臟病呀?」好，今次我地就唔講心臟病，講下垃圾食物對小朋友嘅腦部發展有咩影響，壞處可能隨時超出你嘅想像。