雅虎香港電視

葵涌邨一個垃圾房搖身一變，成為充滿藝術色彩嘅「畫廊」，原來係工友收集居民棄置嘅畫作，並掛喺垃圾房牆上，但工友嘅趣味，就得唔到房屋署嘅加許，下令工友拆除還原。 從網上照片所見，垃圾房牆上畫滿畫作同埋時鐘，排列次序不一，好有藝術氣息，而網民都對事件感到可惜，批評房署官僚主義，立法會議員梁熙就話，如果工友做得開心，活化一下垃圾房唔係幾好咩，而且掛喺呢度總比扔咗佢好。 有網民訪問到事件垃圾房嘅工友，原來係兩三年前開始收集棄置畫作布置垃圾房，但近日被房署下令拆除，工友雖然感到可惜，但就話冇辦法只能喺記憶中回味。