雅虎香港電視

國泰航空與香港快運都宣布，因為日本政府限制香港飛往日本嘅航班數量，所以要取消下月部分航班，國泰以及快運都取消約50班航班，預計過萬名旅客受影響。 旅遊業議會總幹事楊淑芬估計，有兩千名旅行團旅客，要同航空公司商討更改日期，佢又話，對日本當局好失望，喺旅遊業復常嘅時候，製造障礙，令旅行代理商蒙受損失。 國泰及快運向受影響旅客致歉，又話會向旅客發電郵同埋短訊通知，可以選擇退款或更改日期。