雅虎香港電視

太陽城創辦人周焯華喺澳門涉嫌創立及指揮犯罪集團、洗黑錢、非法賭博等，被控289項罪名，又令政府少收80億稅，澳門法院今日宣判，周焯華多項罪名成立，判入獄18年。 浙江溫州檢察院2011年以涉嫌開設賭場罪，批准拘捕周焯華，之後佢就喺澳門被捕。澳門檢察院公布，周焯華等人以澳門為基地，喺菲律賓開設非法網絡投注平台，吸引內地居民賭錢，再用澳門嘅公司轉移不法所得。 今年48歲嘅周焯華喺澳門出生，從事賭廳借貸工作致富，之後慢慢建立一個娛樂王國，包括電影製作、旅遊、餐飲等等業務，估計身家一度超過100億港元。