【名家給力場】美「偷步」監管AI恐扼殺創新發展

now.com 財經
1,746 次觀看・3 個月前

【Now財經台】加州議會將就備受爭議嘅人工智能(AI)法案進行表決，法案要求大型AI模型嘅開發商做安全測試，以降低技術「災害」風險，Meta、ChatGPT創辦商Open AI，都對加州AI法案表示關注，而Google，微軟(Microsoft)等科技巨企已提出多項修正案，案對科技巨企嘅影響大唔大？相關監管會唔會阻礙行業發展？

思博資本高級合夥人張宗永指，依家AI發展只係處於初期，加州嘅AI監管法案影響好大，過往科技發展係為咗增加社會流動性，但今次係將權力集中喺擁有大量數據兼財雄勢大嘅機構，壟斷性十分強，唔明白政府點解要咁早有監管動作，佢又指，政府監管需取得平衡，否則，就會扼殺創新發展。

張宗永續指，其實監管不外乎3大方針，首先係安全性，避免AI造成系統性風險，其次係提升AI透明度，最後係反壟斷，其實發展AI前，各國政府已針對科技巨企嘅壟斷，所以未來AI監管其中一環會係反壟斷。