雅虎香港電視

【Now財經台】聯儲局議息結果將會喺香港時間周四凌晨2點出爐，但美股3大指數噚晚又破頂，似乎唔係咁擔心議息結果，美股過往嘅季節性趨勢又有冇參考價值？

「股市漁夫」創辦人莊志雄指，幾個星期前已講過要留意季節性因素，如果睇返標指過去嘅季節性軌跡，第3季通常都會回落，今年就係9月回落，但去到10月中，調整嘅因素開始減退，依家都係跟返過往第4季嘅表現，但要留意一樣嘢，就係升得咁急之後，可能會出現調整或整固，如果跟返以往嘅季節性因素，未來兩三個星期，美股可能會有一個整固或調整，之後可能有一浸升。