雅虎香港電視

【Now財經台】美圖公司(01357)以現金及發新股方式，收購中國設計師互動平台站酷網全部股權，集團上月發盈喜，預告去年多賺最多2.3倍，主要在生成式人工智能(Generative AI)技術帶動下，影像產品組合訂閱會員滲透率急升，以及全球化戰略推動全球影像及設計產品收入上升。美圖指，今次收購會為影像及設計產品業務帶來巨大協同效應，係咪可以美圖股價依家跌至近半年低位吸納？

《香港股票財技密碼》作者梁杰文指，除咗盈喜，其實美圖業績去年中已開始改善，下半年增速更輕微加快，至於買唔買得過，都要考慮返息口仍持續高企，同埋中資科技股投資氣氛一般呢兩個問題。

Mike又指出，雖然美圖發盈喜，但睇返市盈率(PE)唔算特別平，雖然股價持續回落，但最後再睇定啲，唔需要急於入場，但中長線而言，美圖係有噱頭，業績又向好，仍然值得留意。