雅虎香港電視

【Now財經台】「後奧運效應」係指奧運主辦國或主辦城市，喺奧運後經濟會陷入衰退。不過，啱啱舉辦完奧運嘅日本，第2季GDP增速竟然快過預期，到底舉辦奧運係咪會影響經濟？

經濟分析師羅家聰指，好多國家舉辦奧運後嘅經濟數據表現，其實都同全球經濟數據好接近，反映「後奧運效應」喺奧運開始前已經出現咗。佢又話，先進經濟體如美國，用嚟辦奧運嘅基建項目其實只係舊換新，所以對經濟嘅影響唔大。

KC又指，如果日本想經濟向上行，就要解決結構性問題，例如人口老化、政治及企業體制、解放女性勞動力。佢認為，只要解決到勞動力問題，其實已等同改善到結構性問題。