雅虎香港電視

台灣20號將會重新開放港澳人士申請自由行簽證，外界關心承認殺死潘曉穎嘅陳同坐可唔可以前往台灣投案，一直跟進事件嘅立法會議員管仲鳴話，今日同陳同佳通話之後，對方仍然希望可以番到台灣投案，所以只要台灣批出簽證，佢就可以去投案， 管仲鳴話，陳同佳喺台灣犯案，所有證據都喺台灣，香港只有一份佢拎咗潘曉穎財物嘅口供，亦可以喺台灣重新錄一份，諗唔到有任何雙方需要溝通。 佢話，陳同佳喺香港冇犯案，香港政府又唔可以遞解佢出境，而因為台灣目前通緝陳同佳，只要佢上機，台灣當局就可以拘捕佢，並喺公平審訊之後接受懲罰，咁應該係最好嘅結果。