雅虎香港電視

台灣陸委會今日宣布，由2月20號早上9點開始，恢復港澳人士赴台自由行，港澳居民可以喺網上申請入台證，而由於重新開放申請簽證，所以之前以團體方式向當局申請來台嘅簽證唔再接受辦理。 而台灣亦會喺20日起放寬室內口罩令，由於之前已放寬室外口罩令，所以除咗醫療機構、安老院、公共交通工具等指定場所，都唔需要強制戴口罩。 不過，由於內地居民並唔適用港澳簽證，所以入境安排要等當局另行宣布。