雅虎香港電視

檢討區議會的方案仍未公布，但日前有傳媒引述消息，話區議會選舉制度會大幅改變，直選議席只會剩番現時嘅三分之一，又會引入間選以及委任制。全國人大常委譚耀宗今日話，區議會由多形式組成屬於好事。 譚耀宗話，選舉、委任以及間選等多種形式可以互相補充，吸納唔同階層意見，相信政府好快有定論，佢又話，唔擔心會影響民意授權，因為吸收社會唔同意見有好多方式。 早前有報導話，區議會將分成三部分，包括直選、間選以及委任制，直選會合拼為大選區，改成雙議席單票制，即每區最高票數嘅兩個人會當選，而間選由分區委員會等組織選舉產生，委任議席亦會大增。