雅虎香港電視

俄羅斯早前公布局部動員令，徵召30萬後備軍人，但隨即引起俄國人出國潮，更有媒體估計近70萬人逃出俄羅斯。近日有兩名俄羅斯人就用小船偷渡到美國，聲稱要逃避兵役。 兩名俄羅斯人喺俄羅斯最東部嘅海岸出發，最後喺阿拉斯加聖勞倫斯島甘伯爾附近上岸，向美國政府申請庇護，現時二人遭當局拘留。 阿拉斯加州州長鄧利維表示，對情況感到意外，現時二人身處安克雷奇市，佢又預計，會有更多俄國人來美尋求庇護。