雅虎香港電視

周二內地社交平台瘋傳一段短片，據稱喺中國東北某城市舉辦嘅全國賽中，幾十名年輕球員圍毆主裁判，場邊有人勸唔好再打，但一班球員仍唔收腳，直至場邊人員進場，先可以分開部份涉事球員，最終所有涉事球員全數被公安帶走。事後有央視足球記者轉載片段，仲痛斥中國新一代球員竟然選擇用暴力解決問題，仲點指望佢哋為中國足球帶來新希望呢？有網民仲建議要將呢班球員終身停賽。