雅虎香港電視

香港一名休班消防員同老婆去日本旅遊期間，留低老婆喺酒店外出買野食，但途中借口性侵一名20歲日本女子，喺當地被捕，消防處證實事件，又話會嚴肅處理。 據指被捕消防員姓王，30幾歲，係一名消防隊長，駐守九龍區嘅消防局。日本傳媒報導，王姓男子當日喺東京千代田區搭訕一名女子，又用英文講「拉面」，要求女子帶佢到附近拉面店，但之後王男突然拉女子去一座大廈嘅男廁，侵犯嗰名女子。日本警方接報之後，喺酒店拘捕王男。 消防處話，非常重視屬員嘅紀律和操守，對每宗違法以及違紀個案必定嚴肅跟進處理。