雅虎香港電視

內地五一長假期結束，根據入境處數據顯示，5日假期總共有171萬人次入境香港，當中有62.5萬人次係內地訪問，佔整體3成7，但相較疫情前2019年嘅內地訪客數字，就只有大約6成3。 旅監局行政總裁方安妮話，五一長假期有453個內地旅行團，大約1.3萬人次，暫時冇收到投訴，而旅行團運作亦暢順。 專業導遊總工會主席余莉華就話，旅客開始對本地深度遊有興趣，但部分導遊以前只接待購物團，所以對歷史文化了解唔深，未能夠正確交待景點，佢建議要求導遊參加培訓。