雅虎香港電視

政府已經全面撤銷防疫措施，而全世界大部分地方都冇防疫限制，政府今日宣布，現有五個新冠病毒檢測中心以及檢測站將會下星期六，即係13號起停止運作。 政府話，世界各地陸續撤銷入境出行前嘅核酸檢測要求，香港核酸檢測服務嘅需求近日已降至甚低水平。為善用資源，政府決定由下星期六起關閉現有五個社區檢測中心以及檢測站。 如果市民需要檢測，可以自行到本地醫療機構進行檢測，而停運嘅檢測中心會恢復為原有嘅社區以及康樂用途。