雅虎香港電視

中國前首富、清潔能源企業漢能控股創辦人李河君喺上年12月被公安帶走，有傳可能同錦州銀行有關。李河君2015年一度以1600億人民幣身家，超越阿里巴巴創辦人馬雲成為中國首富。 漢能集團喺2019年5月開始欠薪，約2600名員工被欠2.3億薪金，而一直支持公司嘅錦州銀行，曾經喺招股書上說明，同漢能掛鉤嘅理財產品，有27.7億信貸風險敞口。 漢能係生產薄膜類太陽能電池，2013年一度成為全球最大嘅廠商，但2015年涉市場操縱被香港證監調查，李河君當時曾話，公司被停牌之後，銀行斷咗貸款來源，只能向朋友借錢投資技術研發。